14 Aug 20

सिन्धुपाल्चोकको पहिरोले १३ घर पुर्यो

डिजेएन

३० साउन, काठमाडौं ।

लगातारको प्राकृतिक विपत्तिले थलिएको सिन्धुपाल्चोकको जुुगल गाउँपालिका–२ लिदिमा खसेको पहिरोले ३७ घरमा गम्भीर क्षति पुगेको छ, जसमध्ये १३ घर पूर्णतःपुरिएका छन् । पहिरोमा परेका ३८ जना स्थानीयमध्ये ११जनाको शव निकालिएको छ ।  वि.सं. २०७२ बैशाख १२ गते गएको विनाशकारी भूकम्पका कारण ठूलो जनधनको क्षति र भौगोलिक रुपमा जर्जर भएको भूगोलका कारण अविरल बर्षापछि गाउँमाथिबाट बज्रपात भएको छ ।

पहिरोको विपत्तिपछि गृह जिल्ला सिन्धुपाल्चोकको लिदि पुग्नुभएका संघीय संसद, प्रतिनिधि सभाका  सभामुख अग्निप्रसाद सापकोटाबाट जारी विज्ञप्तीमा भनिएको छ,, “आजबिहान म पहिरो स्थल पुुगें । तत्काल ५जना घाइतेको उद्दार गरी उपचारका लागि चौतारा र काठमाडौँ पठाइयो । स्थानीयले आफ्नो गाउँमा परेको पीडाबारे जानकारी गराउनुुभयो । पहिरो स्थल पुुगेको नेपाली सेनाको टोलीसँगको समन्वयमा तत्काल खोजीकार्य सुरु गरियो ।  नेपाली सेना, नेपालप्रहरी र स्थानीय बासिन्दाको सक्रियतामा पुरिएकाहरुको खोजीकार्य जारी छ । पहिरोका कारण विस्थापित भएकाहरुका लागि तत्काल राहत सामग्री पठाउने काम भएको छ । बेपत्ताहरुको खोजी र पुनस्र्थापनाका लागि पहल जारी रहने छ ।”

यसैगरी, गए रातिकालीकोट जिल्लाको महावै गाउँपालिकामा खसेको पहिरोमा परी एकै परिवारका ६ जनाको मृत्यु भएको र मकवानपुरमा पनि एक जनाको मृत्यु भएकोे छ ।

सिन्धुपाल्चोकको लिदिबाट उद्दार गरी चौतारा अस्पतालमा चार जनाको उपचार भइरहेको छ भने काठमाडौंस्थित सिभिल अस्पतालमा एकजना घाइतेको उपचार भइरहेको छ ।
 
तस्वीरहरू ः श्रीधर न्याैपाने





Author:

सिन्धुपाल्चोकमा भिषण पहिराे

सिन्धुपाल्चोक जिल्लाको बाह्रविसे नगरपालिकाको वडा नं ७ स्थित नागपुजे, भीरखर्क र नेवार टोलमा २७ गते रातीको भीषण पहिरोले क्षतिकाे सभामुख अग्निप्रसाद सापकोटाले स्थलगत निरीक्षण गरी जानकारी लिनुभयो । स्थानिय पहिरो पीडित/प्रभावितहरुसँग उहाँले छलफल पनि गर्नुभयो । 


Read more

टिका आर्शिवाद लिनुस् तर माक्स लगाएर भौतिक दुरीबारे ख्याल गर्नुस्ः डा. सुदिप खड्का

तपाईं दशैं र अन्य चाडवाड मनाउन घर  जाने तयारीमा हुनुहुन्छ ? कसरी मनाउने होला भनेर उल्झनमा हुनुहुन्छ ? तयारीमा हुनुहुन्छ भने ढुक्कले जानुस्, मज्जाले चाडवाड मनाउनुहोस् तर हरेक क्रियाकलाप सचेत भएर गर्नुस् । दशैंमा टीका, आर्शिवाद लिने दिने गर्दा कोबिड १९ संक्रमणको साटफेर नहोस् ।


Read more